Српскиот фудбалер Немања Матиќ (35) на социјалната мрежа „Х“ напиша за српскиот фудбал и двата најголеми клуба.
„Српскиот фудбал е болен, заразен е со вируси наречени Црвена звезда и Партизан. Важно е дека има лек“, напиша поранешниот српски репрезентативец, а сега играч за врска на Рен.
Матиќ е поранешен српски репрезентативец со 48 настапи и два гола за националниот тим.
Неговиот последен настап беше во 2019 година против Луксембург (3-1) во квалификациите за Европското првенство. Иако ја посетуваше фудбалската школа на Партизан, никогаш не играше за првиот тим, ниту за Црвена Звезда.
Српските медиуми пишуваат дека не го сметале за доволно талентиран, додека тој неодамна изјавил дека „само губел време во тие клубови, кои ништо не го научиле“.
Сениорската кариера ја започна во Колубара, а потоа замина во Кошице во Словачка. Во богатата кариера настапуваше за Челси, Витесе, Бенфика, Манчестер Јунајтед и Рома. Освои девет клупски трофеи.
Летово тој пристигна во Рен, Франција, каде неговиот договор е до летото 2025.
