Хрватскиот фудбалски интернационалец, Марчело Брозовиќ ќе ја продолжи соработката со Интер, потврди првиот човек на италијанскиот состав, Бепе Марота.
„Брозовиќ и Интер сакаат да продолжат заедно. Преговорите се во завршна фаза, набрзо ќе биде официјализиран новиот договор“, изјави функционерот на Интер кој исто така доби нов договор до 2025 година.
Фудбалерот од средниот ред дојде во Интер во 2015 година и со текот на годините стана неизбежен дел од стартниот состав. Тој досега има одиграно 222 натпревари и постигнато 20 гола во дресот на „нероаѕурите“.
