Германскиот бундеслигаш Лајпциг го именува Марко Розе за нов шеф на стручниот штаб. Тој доаѓа на местото на Доменико Тедеско, кој доби отказ по шокантниот пораз (1-4) на домашен терен во Лигата на шампионите од Шахтјор. Розе потпиша договор со Лајпциг до 2024 година.
Тедеско со Лајпциг освои и само пет бода во првите пет кола во Бундес – лигата, па разделбата беше неминовна.
Розе минатата сезона беше тренер на Борусија Дортмунд, претходно ја водеше и Борусија Менхенгладбах, а беше дел и од Салцбург. Играчката и тренерска кариера ја започна токму во Лајпциг, кога го водеше Локомотив Лајпциг од 2012 до 2013 година.
