Борусија Дортмунд не успеа да избори пласман во осминафиналето на Лигата на шампионите. По поразот (3-1) од Спортинг Лисабон, „милионерите“ на коло пред крајот останаа на третото место со 6 бода, а првите две места им припаднаа на Ајакс (15) и Спортинг Лисабон (9).
„Ужасен пораз. Целта ни беше да продолжиме на сите три фронта, а испавнаме од Лигата на шампионите. Ова е голем удар за нас“, изјави тренерот на Борусија Дортмунд, Марко Розе.
Тој вели дека тимот многу лесно дозволил да прими голови во Лисабон.
„Кога дозволувате толку лесни голови, нема начин да се претставите добро во најдоброто европско натпреварување. Сега не е време за зборуваме за повредите и за отсуствата во тимот. Моравме да одиграме многу подобро“, изјави стратегот на „милионерите“.
