Марко Ѓорѓиевски потпиша за романскиот Клуж

Најдобриот стрелец во изминатата сезона во Првата лига, Марко Ѓорѓиевски, потпиша договор со романскиот клуб Клуж. 25-годишниот голгетер направи трансфер по две и пол сезони во дресот на Силекс Кратово, каде одигра 71 натпревар, постигна 30 голови и запиша 13 асистенции.
Во штотуку завршената сезона, Марко беше најдобар стрелец во Првата македонска фудбалска лига, делејќи го признанието со Бесарт Ибраими.

Во текот на својата кариера, Марко Ѓорѓиевски играше и за Брера Струмица и Шкупи, со кој ја освои титулата шампион на Македонија во 2022 година, како и во Србија за клубовите Вождовац и Раднички Пирот.

Тој е и поранешен младински репрезентативец на Македонија, со седум настапи за селекцијата на Македонија до 21 година.