Мариупол го промовираше Стефан Спировски (ФОТО)

Македонскиот репрезентативец Стефан Спировски и официјално е член на украинскиот прволигаш Мариупол. Тој е промовиран во новиот клуб, а ќе го носи дресот со број „14“.

Спировски одлучи спогодбено да го раскине договорот со АЕК Ларнака, го напушти Кипар и се пресели во Украина.

Македонскиот интернационалец треба да биде големо засилување за средниот ред на Мариупол во битката за опстанок. По осум кола, Мариупол освои само четири бода во украинскиот шампионат.