Голманот на Баерн Минхен и на германската репрезентација Мануел Нојер се уште не игра поради повреда на рамото и прашање е дали ќе може да настапи на Светското првенство во Катар кое започнува за нешто повеќе од три недели, изјави тренерот на клубот од Минхен, Џулијан Нагелсман.
„Не знам бидејќи не сум видовит“, одговори Нагелсман на прес-конференцијата во пресрет на мечот меѓу Баерн и Мајнц во Бундес – лигата на прашањето за датумот на враќање на Нојер.
Еден од најдобрите голмани во светот, 36-годишниот Нојер има проблеми со рамото повеќе од две недели, поради што е надвор од терените.
„Не би рекол дека нема да може да игра на Светското првенство, дури претпоставувам дека ќе може. Но, за жал, не сум видовит“, повтори тренерот на Баерн. „Би сакале што поскоро да може повторно да игра. Работиме на неговото враќање следниот викенд, но не знам што ќе се случи. Тоа е хематом кој бара одмор, а рамото е генерално компликувано за лекување“, истакна Нагелсман.
Првиот натпревар на Светското првенство во Катар, Германија ќе го има против Јапонија на 23 ноември.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski