Европскиот првак Италија ќе мора да игра бараж за да обезбеди пласман на Светското првенство. „Аѕурите“ одиграа само 0-0 против Северна Ирска во Белфаст и дозволија Швајцарија да им го „грабне“ местото на мундијалот.
По волшебните неколку месеци сега дојдоа тешки денови за селекторот Роберто Манчини.
„Се мачиме да постигнеме гол и тоа е очигледно. Не делувавме најдобро на овие неколку натпревари, но затоа ќе треба да работиме напорно и да бидеме најдобри во март кога ќе се играат натпреварите од баражот за Светското првенство. Да се пласираме на мундијалот, а потоа ќе одиме и да го освоиме. Нема враќање назад, но имавме два пенали против Швајцарците и не ги реализиравме“, изјави Роберто Манчини.
