Италија пропушти голема шанса да ја победи Швајцарија на „Олимпико“ во Рим и да направи голем чекор напред кон пласманот на мундијалот во Катар. Но, Жоргињо не успеа да реализира пенал во 90.минута, мечот заврши 1-1, а сега и двете селекции имаат по 15 бода. „Аѕурите“ имаат за два гола подобра гол-разлика во пресрет на последното коло во кое и гостуваат на Северна Ирска. Швајварија на домашен терен ја пречекува Бугарија.
Селекторот на италијанскиот национален тим, Роберто Манчини, не го обвинува Жоргињо за нереализираниот пенал.
„Тоа е. Не реализиравме пенал, веројатно тоа ќе ни донесеше победа. Да, во двата натпревари со Швајцарија не успеавме да погодиме од пенал. Но, Жоргињо е најдобриот изведувач. Тој почувствува дека треба така да шутира и за жал, не погоди. Одиме понатаму, не очекува следен меч“, изјави Манчини.
