Англискиот премиерлигаш Манчестер Сити се откажа од обидот да го ангажира Џек Грилиш, офанзивниот играч за врска на Астон Вила, во летниот преоден рок. Пеп Гвардиола има многу високо мислење за квалитетите на Грилиш и побара од раководството да отпочне преговори со Астон Вила, меѓутоа клубот од Бирмингем цврсто стои на ставот дека нема лесно да се откаже од најдобриот фудбалер.
Астон Вила бара 100 милиони фунти отштета за да му дозволи на Џек Грилиш да се пресели на „Итихад“ по завршувањето на сезоната. Тоа, сепак, е премногу голема сума и за богатите сопственици на Манчестер Сити.
По ова, „граѓаните“ најверојатно ќе се фокусираат на трансферот на капитенот на англиската фудбалска репрезентација, Хари Кејн.
