Манчестер Сити официјално го објави своето трето зимско засилување. „Граѓаните“ се засилија со ѕвездата на Ајнтрахт Франкфурт, Омар Мармуш.
Трансферот е во вредност од близу 80 милиони евра. Египетскиот напаѓач потпиша договор до летото 2029 година.
Во средата офанзивниот фудбалер ги помина медицинските прегледи, а денес официјално стана дел од „граѓаните“. Тој ќе го носи дресот со број „7“ на „Етихад“.
Мармуш постигна 20 гола на 26 натпревари за Ајнтрахт оваа сезона, на кои додаде и 14 асистенции.
„Отсекогаш сонував да бидам во клуб како овој. Моите соништа стануваат реалност“, изјави Мармуш.
Манчестер Сити претходно во јануари ги доведе Витор Реис и Абдукодир Хусанов.
