Англискиот шампион Манчестер Сити сака да го обнови договорот со дефанзивецот Жоао Кансело, пренесуваат медиумите во Англија. Португалскиот дефанзивец е меѓу најдобрите играчи на „граѓаните“ од почетокот на сезоната и тоа ги натера челниците на клубот да побрзаат со понудата за нов договор.
Актуелниот договор на 27-годишниот Португалец истекува во летото 2025 година, но „граѓаните“ сакаат уште отсега да го продолжат.
Оваа сезона Жоао Кансело одигра 24 натпревари во сите натпреварувања, постигнувајќи три гола и седум асистенции.
