Манчестер Сити денеска и официјално го претстави аргентинскиот талент Клаудио Ечевери како свое ново засилување.
Младиот напаѓач учествуваше на првенството на Јужна Америка за играчи до 20 години, каде постигна шест голови во девет натпревари. Ечевери потпиша за Сити уште во јануари 2024 година, но изминатата година ја помина на позајмица во Ривер Плата, како дел од договорот.
„Премногу сум возбуден што конечно можам да се наречам фудбалер на Манчестер Сити. Фудбалот е мојот живот, а мојот сон беше да играм за еден од најдобрите тимови во Европа. Манчестер Сити е еден од најдобрите клубови во светот“, изјави Ечевери.
Со неговото пристигнување, Пеп Гвардиола добива уште еден перспективен играч во составот, кој ќе има шанса да се докаже во најсилната конкуренција.
