Англискиот премиерлигаш Манчестер Јунајтед доживеа шокантна елиминација во 1/16 – финалето од ФА купот на Англија. Тимот на Ралф Рангник загуби на пенали (7-8) од Мидлсборо на “Олд Трафорд”, откако во регуларниот тек, а и по продолженијата, резултатот беше 1-1.
Клучна беше осмата серија пенали во која Антони Еланга не успеа да реализира. Претходно, Ли Пелтие погоди за гостите.
Во регуларниот тек, Кристијано Роналдо не реализира пенал во 20.минута, а пет минути подоцна погоди Џејдон Санчо. Сепак, Мидлсборо израмни во 64. минута од дуелот преку Мет Крокс.
