Сагата за англискиот репрезентативец Мејсон Маунт добива нов пресврт. Манчестер Јунајтед полека се откажува од играчот од средниот ред поради високата цена што ја постави Челси. „Црвените ѓаволи“ не се подготвени да платат повеќе од 60 милиони фунти за Маунт.
Тимот на Ерик тен Хаг смета дека „сините“ од Лондон намерно поставиле толку висока цена, нарекувајќи ја „такса за Манчестер Јунајтед“.
Холанѓанецот е подготвен да се откаже од својата трансферна цел и да го „нападне“ Моисес Каиседо, кој до пред неколку часа важеше за многу веројатно ново засилување на Челси.
Ова може да биде стратешки потег на Манчестер Јунајтед да ги принуди „сините“ да прифатат помала понуда за Маунт.
