Connect with us

Манчестер Јунајтед ќе понуди 60 милиони евра за Роналд Араухо

Манчестер Јунајтед е подготвен да достави понуда за дефанзивецот на Барселона, Роналд Араухо, во летниот преоден рок. Засилувањето на одбраната ќе биде еден од приоритетите за летната селекција на „црвените ѓаволи“, а уругвајскиот дефанзивец е еден од главните кандидати на списокот за нови засилувања на Рубен Аморим.

Араухо беше на прагот да ја напушти Барса уште во зимскиот преоден рок, кога беше блиску до трансфер во Јувентус, но на крајот преговорите не успеаја и тој остана во Каталонија, дури потпишувајќи нов договор. Сепак, тоа не значи дека претстојното летото нема да се случи негов трансфер, особено ако се појави добра понуда.

Барселона има потреба од свежи финансиски средства за да може да располага со поголем буџет за нова селекција, па се очекува клубот да продаде некои од актуелните играчи. Араухо е еден од фудбалерите кои би можеле да го напуштат клубот, ако добијат доволно интересна понуда.

Се смета дека Манчестер Јунајтед е подготвен да понуди околу 60 милиони евра за правата на 26-годишниот дефанзивец. Слична понуда би можела да биде доволна за да ја убеди Барселона да го пушти да си замине.

Advertisement
Advertisement
Advertisement

Facebook

Тимови