Тотенхем успеа да се врати на победнички патеки по елиминацијата од Динамо Загреб во Лигата на Европа и славеше на гости (0-2) против Астон Вила во Премиер – лигата. Тимот на Жозе Мурињо конечно одигра на потребното ниво и забележа значаен триумф.
Карлос Винисиус во 29.минута го отвори резултатот во корист на „петлите“, а Хари Кејн од пенал во вториот дел ја потврди победата.
Тотенхем по овој триумф се наоѓа на шестата позиција со 48 бода, три помалку од четвртопласираниот Челси, кој е во зоната која води во Лигата на шампионите.
