МАКФУДБАЛ ТРЕНЕР на колото: Гоце Седлоски

Најтрофејниот македонски клуб Вардар успеа да го совлада актуелниот шампион Струга Трим Лум на гости со 1-2. Ова секако е изненадување со оглед на позициите на кои се наоѓаат двата клуба, но и јасен доказ дека „црвено-црните“ оваа пролет ќе имаат сосема поинаков тим, многу поквалитетен и помоќен од оној во есенската полусезона.

Гоце Седлоски знаеше што сака, успеа да го добие со големиот број засилувања и тоа почна да дава ефект. Вардар ја победи Струга ТЛ на гости, што не му успева секому во македонскиот шампионат, напротив, се случува навистина ретко.

МАКФУДБАЛ го избра Гоце Седлоски за најдобар тренер во 20.коло од Првата фудбалска лига. Тој го предводи МАКФУДБАЛ ТИМОТ НА КОЛОТО.