МАКФУДБАЛ ТИМ НА СЕЗОНАТА – Одбрана: Бесарт Кривањева (Шкупи)

Заврши една од најтешките сезони, спортистите имаа сериозен противник и во Ковид-19, но најдобрите секогаш издржуваат и на крајот – победуваат. Шкендија го освои шампионатот, Шкупи, Струга Трим Лум и Силекс (како освојувач на Купот) ќе играат на европска сцена, а сега е време за одбележување на тие што покажаа најмногу.

МАКФУДБАЛ го издвојува ТИМОТ НА СЕЗОНАТА 2020/21.

ОДБРАНА – БЕСАРТ КРИВАЊЕВА (ШКУПИ)

Одбраната на Шкупи во најголем дел од сезоната функционираше како швајцарски часовник, проблемот лежеше во неефикасноста. Поради тоа и ја загуби трката за шампионската титула со Шкендија.

Еден од најдобрите поединци секако беше Бесарт Кривањева, без кого и не можеше да се замисли последниот дефанзивен ред на тимот од Чаир. Често умееше да се придодаде и во нападот по левата страна, одигра одлична сезона во Првата фудбалска лига.

2. КОСТА МАНЕВ (АКАДЕМИЈА ПАНДЕВ)
3. ДРАШКО ЃОРЃЕВИЌ (РАБОТНИЧКИ)