МАКФУДБАЛ ИГРАЧ НА КОЛОТО: Георг Стојановски (Работнички)

Работнички го победи Шкупи со 3-1 во последниот меч од првото коло во Првата фудбалска лига. Поранешниот суперталент од младинската академија на Вардар, Георг Стојановски, доби половина час од тренерот Милан Илиевски, и со два потези го реши натпреварот.

Во 81.минута за старт над него беше досуден пенал за Работнички што во гол го претвори Мевљан Мурати, а во судиското продолжение Георг Стојановски го постигна и првиот гол во дресот на „романтичарите“.

За половина час направи многу повеќе од многу други кои играа цели натпревари во првото коло од новата сезона, па од МАКФУДБАЛ го доби признанието за МАКФУДБАЛ ИГРАЧ НА КОЛОТО.

Тој го предводи МАКФУДБАЛ ТИМОТ НА КОЛОТО.