Шкендија не дозволи да загуби од Македонија Ѓорче Петров, така лесно и речиси без отпор, како што го стори тоа против Струга Трим Лум на мечот во Гостивар. Тетовскиот тим го покажа својот квалитет, а искусниот напаѓач Бесарт Ибраими потврди дека е еден од најдобрите голгетери во историјата на македонските шампионати.
Ибраими во првите дваесетина минути ги шокираше ѓорчепетровци, постигна два гола и го најави триумфот на Шкендија. Голеадата продолжи во второто полувреме, а Ибраими до самиот крај на мечот покажуваше желба дека се уште е „гладен“ за голови.
Со одличната игра Бесарт Ибраими го заслужи епитетот најдобар играч на 32.коло во Првата фудбалска лига, во изборот на МАКФУДБАЛ.
Во последното 33.коло, Шкендија на домашен терен ќе го пречека Шкупи.
