Шкупи не знае за пораз од стартот на шампионатот, има две победи во три кола, а успеа да слави против Беласица во Струмица со 0-2. Во самиот финиш тимот од Чаир ги грабна трите бода, а најзаслужен за тоа е двојниот стрелец Дембо Дарбо.
Моќен, силен, брз, вистинска напаст за противничките одбрани. Го почувствува тоа и Беласица на најдобар можен начин, а напаѓачот на Шкупи го заслужи епитетот најдобар играч на 3.коло во Првата фудбалска лига во изборот на МАКФУДБАЛ.
Шкупи сега го очекува европско искушение, а и таму еден од најголемите адути на тренерот Муарем Бајрами ќе биде Дембо Дарбо.
