Македонија У17 убедливо поразена од Словачка

Фудбалската репрезентација на Македонија до 17 години доживеа убедлив пораз (0-4) од селекцијата на Словачка во првиот натпревар од претквалификациската Група 8 за пласман на ЕП, која се игра во Малта.

Валко во шестата минута ја најави победата на Словачка, Влна во 34. минута зголеми на 0-2, а Балог постигна трет гол во 41. минута. Конечниот епилог (0-4) го постави Влна со својот втор гол во 64. минута.

Во првиот натпревар од групата Италија убедливо со 7-0 славеше против домаќинот Малта.