Фудбалската репрезентација на Македонија до 15 години е победник на УЕФА развојниот турнир штo се одржуваше во Скопје. Македонија во последниот натпревар успеа да го совлада Косово со 2-1 и да заврши на првата позиција.
Избраниците на селекторот Раде Каранфиловски уште на стартот од натпреварот преку Ангелевски пропуштија извонредна можност.
Во 27. минута, Грашевски погодува за предност на Македонија по одличното додавање на Бранковски.
Во продолжението од мечот, Косово израмнува во 64. минута. Во 69. минута Грашевски по втор пат се запишува во листата на стрелци за предност и победа на Македонија. Голема заслуга за вториот погодок имаше Стаматовски, кој по одличниот продор по левата страна, асистираше за Грашевски.
Македонија: Џангаровски, Жаку, Стоилов, Кесиќ, Марковски, Ангелевски, Бранковски, Грашевски, Назиф, Бојовиќ, Заев;
