Македонија има олимписки медал: Дејан Георгиевски во финалето во таеквондо!

Македонскиот спорт добива нов голем адут во Дејан Георгиевски, натпреварувачот во таеквондо, кој се пласира во финалето на Олимписките игри во Токио, во категоријата над 80 килограми. Тој во полуфиналето го совлада второрангираниот натпреварувач Кјо До Ин сo 12-6.

Со ова Дејан Георгиевски има сигурен сребрен медал на Олимписките Игри. Финалната борба е закажана за 14.45 часот, а Георгиевски ќе се бори против рускиот натпреварувач Владислав Ларин, кој е најдоброрангиран во светот, а во полуфиналето славеше со неверојатни 30-3 против Кореецот Сун.

На патот до финалето, Георгиевски ги победи светскиот првак Алба Кастилјо (Куба) со 11-8 и Сејду Гбане (Брег на Слонова Коска) со 9-4.