Мачката Ахилеј е хит на Европското првенство. Тој се приклучи на друштвото на животните кои ги предвидуваат резултатите од натпреварите на големите фудбалски натпреварувања, светски и европски првенства.
Овој пат станува збор за мачка која се наоѓа во прес-центарот во Санкт Петербург и го предвиде исходот од вечерашниот прв меч меѓу Турција и Италија.
Ветеринарот Ана Кондратиева постави две чинии со храна, едното обележано со турско, а другото со италијанско знаме. Ахилеј, глувонема мачка, влета во садот со италијанско знаме.
Мачката Ахилеј има и свој официјален профил на Инстаграм, а ќе има уште три предвидувања за време на Европското првенство. Ќе ги предвидува натпреварите меѓу Белгија и Русија, меѓу Полска и Словачка и меѓу Финска и Русија.
