Тотенхем на чудесен начин стигна до десеттата победа оваа сезона во Премиер – лигата совладувајќи го Лестер на гости со 2-3 на „Кинг Пауер“. „Лисиците“ имаа водство од 2-1 до петтата минута од судиското продолжение, а потоа во шокантни две минути Стивен Бергвајн направи луд пресврт.
Патсон Дака донесе водсто за Лестер во 24.минута, а Тотенхем израмни пред одморот преку Хари Кејн.
Во вториот дел Лестер повторно поведе преку Џејмс Медисон во 76.минута, но Стивен Бергвајн не дозволи пораз за Тотенхем и погоди за израмнување во петтата минута од судиското продолжение. Само две минути подоцна Бергвајн постигна уште еден гол за неверојатен пресврт и триумф.
