Македонскиот репрезентативец Бобан Николов со триумф дебитираше во Лигата на шампионите во дресот на Шериф Тираспол. Тој почна како резерва, а шанса доби во финишот од мечот, во 85.минута, кога влезе во игра на местото на Франк Кастанеда.
Шериф славеше во дуелот со Шахтјор Доњецк со 2-0, со головите на Адама Траоре и на Момо Јансане.
Борусија Дортмунд оствари победа од 1-2 на гости против Бешикташ во Истанбул. Џуд Белингам во 20.минута го отвори резултатот, а Ерлинг Халанд пред самиот крај на првото полувреме зголеми на 0-2.
„Милионерите“ промашија уште неколку одлични шанси во вториот дел, а во судиското продолжение, Бешикташ намали со голот на Франциско Монтеро. Сепак, триумфот му припадна на германскиот тим.
