Фудбалерот на Реал Мадрид, Карим Бензема ќе биде стартер на дербито против Пари Сен Жермен во осминафиналето на Лигата на шампионите, иако дури во понеделникот вечерта доби „зелено светло“ за да биде на теренот.
Лекарскиот тим на „кралевите“ утврдил дека нема пречка Бензема да биде дел од последниот тренинг, но не одобрил Карло Анчелоти да го стави меѓу стартерите.
Италијанецот, сепак, ќе го направи тоа, а Бензема не би требало да биде на теренот повеќе од 60 минути. Тоа значи дека Анчелоти процени дека му е потребен Бензема како стартер, најверојатно ќе настапува со Винисиус Жуниор и Марко Асенсио, а во вториот дел да биде заменет со некој од резервистите како Лука Јовиќ.
Натпреварот помеѓу ПСЖ и Реал Мадрид се игра вечерва од 21 часот на „Паркот на принцовите“, додека реваншот е за три недели во Мадрид.
