Италијанскиот калчолигаш Аталанта го совлада Ајакс на гости во Амстердам со 0-1 и обезбеди пласман во осминафиналето на Лигата на шампионите како второпласиран тим од групата Д. Аталанта го заокружи групниот сегмент со 11 бода, два помалку од Ливерпул кој ремизираше (1-1) на гости против Митјиланд.
На Ајакс му беше потребна победа над Аталанта за да патува во осминафиналето, но не успеа да ја оствари. Ќе игра во Лигата на Европа.
Аталанта одолеа на „Јохан Кројф арена“ во Амстердам, а на крајот и победи со голот на Луис Мјуриел во 85.минута.
Мохамед Салах во првата минута даде гол во Данска и стана најдобар стрелец на Ливерпул во ЛШ во историјата надминувајќи го легендарниот Стивен Џерард. Митјиланд израмни со голот од пенал на Александер Шолц во 65.минута од мечот.
