Арсенал на доминантен начиун го потврди пласманот во нокаут фазата во Лигата на шампионите откако на „Емирати“ го победи Ленс со 6-0. Избраниците на Микел Артета постигнаа дури пет гола во првото полувреме. Хаверц, Габриел Жесус, Сака, Мартинели и Одегард стрелаа во противничката мрежа, а во финишот на мечот Одегард го постави конечниот резултат реализирајќи пенал.
Реал Мадрид го победи Наполи со 4-2 на „Сантијаго Бренабеу“ и има максимални 15 бода. Елиф Елмас доби шанса да заигра од 65.минута на овој меч.
Џовани Симеоне го постигна голот за водство на Наполи, но потоа Родриго и Белингам свртеа за 2-1. Ангида на почетокот на вториот дел израмни на 2-2, но Николас Паз и Хоселу во финишот му донесоа триумф на Реал Мадрид.
Баерн Минхен не одигра на потребното ниво, па ФК Копенхаген извлече 0-0 на „Алијанц арена“. Идентичен резултат беше и на дуелот меѓу Реал Сосиедад и Салцбург.
Бенфика и Интер одиграа 3-3. Жоао Марио, поранешниот играч на Интер, постигна хет-трик за Бенфика во првото полувреме. Но, „нероаѕурите“ возвратија во вториот дел со головите на Арнаутовиќ, Фратези и на Алексис Санчез од пенал.
Брага и Унион Берлин одиграа 1-1.
