Ѕвездата на Баерн Минхен, Роберт Левандовски, заработи повреда на коленото на денешниот тренинг. Полскиот интернационалец се фатил за десното колено откако се лизна при еден шут и паднал на земја, информираат германските медиуми.
Левандовски веднаш го напуштил тренингот и бил згрижен од медицинскиот персонал на тимот. Се работи за истото колено што го принуди Левандовски да пропушти околу еден месец минатата пролет, што доведе до испаѓање на баварците од Пари Сен Жермен во Лигата на шампионите.
Првичните прогнози на лекарскиот тим во Баерн Минхен е дека повредата на Левандовски не е сериозна, но, сепак, останува под сериозно прашање за натпреварот против Унион Берлин овој викенд.
