Удинезе го победи Лече со 0-1 на гости, а голот донесе необична ситуација.
Удинезе доби пенал, а според планот на тренерот, изведувач требаше да биде капитенот Флориан Тован. Сепак, Лоренцо Лука одби да му го препушти пеналот и влезе во расправија со соиграчите.
Тој ја зеде топката и успешно реализираше од белата точка. Сепак, поради непочитување на одлуката на тренерот и караницата со соиграчите, беше повлечен од игра само четири минути откако го постигна голот во 32.минута.
На крајот, Удинезе освои три бода, но срамот за гостинскиот тим остана…
