Англискиот првак Ливерпул заигра во шампионски стил на „Емирати“ и го совлада Арсенал со 0-3. Тимот на Јирген Клоп сега е на два бода до четвртопласираниот Челси и се врати во трката за пласман во Лигата на шампионите.
Еден час и двата тима играа внимателно, а потоа Клоп во игра го уфрли Диого Жота. Португалецот само три минути откако влезе во игра погоди за 0-1, а потоа Мохамед Салах постигна втор погодок во 68.минута. Одличниот Диого Жота ја круниса победата и со свој втор гол во 82.минута од натпреварот.
