На свечена церемонија во операта во Манчестер синоќа се одржа гала-настанот на Асоцијацијата на професионалните фудбалери во Англија. На него беше објавен и идеалниот тим на изминатата сезона, кој се избира со гласање од самите играчи.
Впечатливо е што во составот доминираат фудбалери од Ливерпул. Четворица претставници од шампионскиот тим се најдоа меѓу најдобрите 11 – Вирџил ван Дајк, Алексис Мекалистер, Рајан Гравенберх и Мохамед Салах.
Арсенал има тројца свои играчи – Вилијам Салиба, Деклан Рајс и Габриел Магалјаеш.
Останатите места ги пополнија Александер Исак од Њукасл, Крис Вуд и голманот Мат Зелс од Нотингем, како и Милош Керкез од Борнмут.
Забележливо е отсуството на ѕвездата на Челси, Кол Палмер, како и на капитенот на Манчестер Јунајтед, Бруно Фернандеш.
Тим на годината според ПФА
Матс Зелс (Нотингем Форест); Вирџил ван Дајк (Ливерпул), Вилијам Салиба (Арсенал), Габриел Магалјаеш (Арсенал), Милош Керкез (Борнмут); Деклан Рајс (Арсенал), Алексис Мекалистер (Ливерпул), Рајан Гравенберх (Ливерпул); Мохамед Салах (Ливерпул), Крис Вуд (Нотингем Форест), Александер Исак (Њукасл).
