Англискиот премиерлигаш Ливерпул покажува интерес за крилниот напаѓач на Ница, Мохамед-Али Чо. „Црвените“ внимателно го следат 21-годишниот фудбалер и размислуваат за понуда во летниот преоден рок. Тој треба да биде долгорочна замена за Мохамед Салах.
Оваа сезона, Чо е еден од клучните играчи на „орлите“, со пет голови на 24 натпревари за францускиот тим.
Ница го доведе офанзивниот фудбалер од Реал Сосиедад летоска за 10 милиони евра. Неговиот договор е со важност од уште три и пол години.
Мохамед-Али Чо помина низ академиите на ПСЖ, Евертон и Анже, а во летото 2022 година потпиша за Реал Сосиедад.
