Ливерпул испрати понуда за ѕвездата на Милан, Исмаел Бенасер, чиј договор со италијанскиот гигант истекува на крајот на следната сезона. Се верува дека на „Енфилд“ го гледаат Алжирецот како добра алтернатива доколку не успеат да го ангажираат Џуд Белингем од Борусија Дортмунд.
Се очекува „црвените“ да го подмладат средниот ред во следните два преодни рока, откако Џејмс Милнер е блиску до заминување, а договорите на Алекс Окслејд-Чемберлен и на Наби Кеита истекуваа на лето. Артур Мело најверојатно нема да добие понуда да ја претвори својата позајмица во траен трансфер.
Тоа треба да отвори простор за нови засилувања кои би ги довел менаџерот Јирген Клоп. Додека многу навивачи на Ливерпул се надеваат дека клубот ќе стори сé што е можно за да го ангажира Белингем, составувањето на план Б исто така не е лоша идеја.
