Ливерпул и Трент Александер-Арнолд постигнаа начелен договор за нов договор на англискиот интернационалец. Според информациите, 24-годишниот десен бек ќе добива повеќе од 200.000 фунти неделно.
Актуелниот договор на Трент има важност до летото 2025 година, но новиот ќе биде долгорочен, а сите детали ќе бидат официјално објавени од клубот наскоро.
Трент Александер-Арнолд има 73 асистенции и 16 гола на досегашните 273 натпревари за Ливерпул. Минатата сезона тој забележа десет асистенции и постигна четири гола на 47 настапи за „црвените“.
Англискиот репрезентативец штотуку се опорави од повредата што ја заработи против Астон Вила на 3 септември. Тој влезе во игра во 74. минута од пресметката со Тотенхем која Ливерпул ја загуби на драматичен начин со автоголот на Џоел Матип во 96. минута.
