Ливерпул забележа важна победа (0-2) против Интер на „Џузепе Меаца“ во првиот натпревар од осминафиналето во Лигата на шампионите. Сепак, овој меч донесе и неволји за Јирген Клоп. Остана без Диого Жота.
На полувремето од натпреварот напаѓачот на Ливерпул остана во соблекувалната, а беше заменет од Роберто Фирмино. Тоа не бил тактички потег на Јирген Клоп, туку бил принуден да менува.
Португалецот го повредил скочниот зглоб и ќе го пропушти наредниот натпревар на Ливерпул против Норич претстојниот викенд.
