Фудбалерот на Манчестер Јунајтед, Лисандро Мартинез, е успешно опериран, објави тој лично на социјалните мрежи.
Дефанзивецот заработи скршеница на метатарзалната коска на првиот четвртфинален дуел во Лигата на Европа со Севилја (2-2) и за него сезоната е завршена. Се очекува да бидат потребни од шест до осум недели за целосно да закрепне.
„Сѐ помина многу добро, фала му на Бога! Ви благодарам многу за сите ваши пораки. Сега се фокусирам на моето опоравување”, напиша фудбалерот на Манчестер Јунајтед.
Повредата на Лисандро Мартинез ќе му донесе многу проблеми на менаџерот Ерик тен Хаг во одбраната на тимот.
