Аргентинската ѕвезда Лионел Меси по осми пат во кариерата е избран за најдобар фудбалер во светот. Тој со селекцијата на Аргентина го освои Светското првенство во Катар и, како што вели, го оствари својот сон.
„Ова е награда што ја делам со сите мои соиграчи од Аргентина, со сите сонародници, затоа што со освојувањето на Светското првенство се оствари мојот сон. Ова е најпрестижната индивидуална награда, би сакал да се заблагодарам на сите кои имаа придонес, да се заблагодарам на моето семејство за поддршката и на сите фанови ширум светот. Денеска е роденденот на Диего Марадона, и сакам тоа да го истакнам, тој секогаш ќе биде еден од нас и јас многу му должам на него како мој идол“, изјави Лионел Меси.
