Англиската легенда Гери Линекер го пофали Ламин Јамал по неговиот прекрасен гол за Шпанија во полуфиналниот натпревар од ЕВРО 2024 против Франција доцна синоќа. Крилниот напаѓач на Барселона го израмни резултатот со удар од далечина, погоди во горниот агол од голот на Мајк Мењан и стана најмладиот стрелец во историјата на европските првенства – на 16 години и 362 дена.
„Се роди суперѕвезда. Тоа беше моментот на натпреварот, можеби и моментот на целиот турнир“, изјави Гери Линекер за „Би Би Си“.
Шпанија победи со 2-1 по пресврт против Франција и сега го очекува победникот од вториот полуфинален дуел меѓу Англија или Холандија во финалето на 14 јули во Берлин.
