Српскиот шампион Црвена Звезда ја отвори сезоната во Лига Европа со реми против Селтик, но вечерва на гостувањето кај Порто доживеа пораз од 2-1. Португалците поведоа уште во 8. минута со пенал на Вилијам Гомеш, а младото откритие на Звезда, Василије Костов, израмни во 30. минута. Сепак, Мора во 90. минута постигна гол по контранапад и го донесе триумфот за Порто.
Македонскиот репрезентативец Бојан Миовски со Ренџерс исто така претрпе пораз (1-2) на гостувањето кај Штурм, откако одигра едно полувреме.
Динамо Загреб продолжи со успешниот старт во Лига Европа, совладувајќи го Макаби со 3-1 на гостувањето. Домаќините поведоа во 14. минута, но Хрватите со голови во 16. и 19. минута направија целосен пресврт.
Во останатите натпревари постигнати се следните резултати: Базел – Штутгарт 2-0, Селта – ПАОК 3-1, Генк – Ференцварош 0-1, Лион – Салцбург 2-0, Нотингам Форест – Мјитиланд 2-3.
