Најдобриот светски фудбалер за 2020 година, Роберт Левандовски, се врати на тренинг откако ја надмина повредата што ја заработи додека настапуваше за репрезентацијата на Полска. Сепак, тој почна со лесно трчање и нема да биде подготвен за утрешниот реванш меч против ПСЖ во четвртфиналето на Лигата на шампионите.
Тренерот Ханси Флик ќе мора без него да го состави тимот на баварскиот клуб во обидот да ја надомести негативата од првиот меч (2-3) на „Алијанц арена“.
Левандовски го повреди коленото на мечот против Андора во квалификациите за СП 2022 во Катар.
