Роберт Левандовски со репрезентацијата на Полска успеа да обезбеди пласман на Европското првенство откако неговиот национален тим синоќа славеше на пенали против Велс.
Во последните недели, не престануваат и шпекулациите околу иднината на Левандовски во Барселона. напаѓачот се поврзува со можно заминување, меѓутоа тој самиот истакна дека нема намера да ја напушти Барселона ова лето.
Тој не планира трансфер во оваа фаза иако за него има сериозен интерес од неколку клубови од Саудиска Арабија и од некои екипи од Европа.
Атлетико Мадрид исто така ја следи ситуацијата околу Полјакот. Левандовски оваа сезона има 13 гола и осум асистенции во Ла Лига, а неговиот договор е до 2026 година.
