Предводниците на полската репрезентација Роберт Левандовски и Гжегож Криховјак директно го посочија својот фаворит за наследник на Пауло Соуса на селекторската позиција во националниот тим. Соуса го презеде бразилскиот гигант Фламенго, а Полјаците ќе играат бараж за пласман на Мундијалот во Катар.
Полска прво ќе гостува во Русија, а доколку успее ќе биде домаќин на победникот од дуелот меѓу Чешка и Шведска. Два месеци пред баражот не се менува нејаснотијата со селекторот.
Според полските медиуми, во опција се три имиња: Андриј Шевченко, Адам Навалка и Јан Урбан. Многу медиуми тврдат дека Кулеша и Шевченко разјасниле се и прашање на време е кога украинската легенда ќе стане тренер на Полска. Но, тоа не го мислат ѕвездите на тимот.
Напаѓачот на Баерн Минхен, Роберт Левандовски, изјави дека „на тимот му треба селектор кој го познава тимот и би било добро да е Полјак“.
Уште подиректен е 31-годишниот Криховјак кој моментно настапува за рускиот Краснодар.
„Адам Навалка, кој го познава тимот и играчите, е неколку чекори понапред од оној кој нема искуство. Убеден сум дека на повеќето играчи им се допаѓа Навалка. Многу играчи со кои сум бил во репрезентацијата се сеќаваат на добрата соработка имавме со него“, изјави Криховјак.
Адам Навалка беше селектор на Полска во периодот од 2013 до 2018 година и успеа да ги квалификува Полјаците на ЕВРО 2016 и на Светското првенство во Русија во 2018 година.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski