Напаѓачот на Барселона, Роберт Левандовски, го откри својот фаворит за титулата на Светското првенство 2022 година кое започнува за еден месец. Според полскиот интернационалец, Аргентина е една од селекциите со најголеми шанси да го подигне трофејот во Катар.
Левандовски призна дека со огромен интерес ја очекува пресметката со Лионел Меси и друштвото.
Аргентина и Полска се во иста група, заедно со Саудиска Арабија и со Мексико.
„Нема потреба многу да се зборува кога е Аргентина во прашање. Тие се фантастичен тим и еден од фаворитите за освојување на титулата. Со легенда како Лео Меси, нема сомнеж дека тоа ќе ни биде најтежок меч“, изјави Левандовски.
