Лече и Милан одиграа 2-2 на стадионот „Виа дел Маре“ и тоа е резултат кој комплетно му одговара на лидерот Наполи. Сега „наполитанците“ имаат девет бода предност во однос на „росонерите“ и десет во однос на Јувентус.
Лече по првото полувреме имаше предност од 2-0. Тео Хернандез си постигна автогол во третата минута, а Федерико Баскирото во 23.минута постигна и втор гол за Лече.
Сепак, Милан стигна до реми во вториот дел. Рафаел Леао намали во 58.минута, а израмнување донесе Давиде Калабрија во 71.минута од мечот.
