Барселона и Наполи ремизираа (1-1) на „Камп Ноу“ во првиот осминафинален дуел од Лигата на Европа. Македонскиот репрезентативец Елиф Елмас одигра одличен меч и беше асистент на погодокот на Пјотр Зиелински во 29.минута со кој гостите поведоа. Барселона израмни од пенал, со погодокот на Феран Торес во 59.минута од натпреварот.
Борусија Дортмунд доживеа убедлив пораз (2-4) на домашен терен од Глазгов Ренџерс. Првиот погодок беше дело на Таверние од пенал во 38.минута, а само три минути подоцна погоди и Морелос. Тој во второто полувреме уште еднаш ја затресе мрежата на „милионерите“, а погоди и Лундстрам. За Борусија Дортмунд стрелци на овој меч беа Белингем и Гвереиро.
Шериф Тираспол ја совлада Брага со 2-0, а македонскиот репрезентативец беше стартер во својот тим. Тил од пенал донесе водство за Шериф, а вториот гол го постигна Траоре.
Бетис на гости славеше против Зенит со 2-3. Родригез, Вилијан Хозе и Гвардадо беа стрелци за шпанскиот тим на овој меч.
