Барселона го доживеа првиот пораз на домашен терен оваа сезона во Ла Лига, вкупно трет, откако загуби од Лас Палмас со 1-2. Ова е трет меч без триумф за каталонскиот тим лој полека влегува во резултатска криза.
Тимот на Ханси Флик одигра слаб натпревар, а тоа Лас Палмас знаеше да го казни.
Сандро Рамирез со голот во 49.минута најави сензација, но Барселона израмни преку Рафиња, кој постигна гол со шут од далечина во 61.минута.
Сепак, Лас Палмас постигна втор погодок во 67.минута. Фабио Силва ја затресе мрежата на Ињаки Пења и го трасираше патот до големата победа.
